Батыс Қазақстан облысы бойынша ішкі мемлекеттік аудит департаменті (бұдан әрі-Департамент) 2023 жылдың бірінші жартыжылдығында 77 аудиторлық іс-шара өткізді.
Жалпы сомасы 3 522,8 млн.теңгеге бұзушылықтар анықталды, оның ішінде қаржылық бұзушылықтар – 2 084,0 млн. теңге, рәсімдік сипаттағы бұзушылықтар – 1 438,8 млн. теңге.
Есепті кезеңде жүргізілген аудиторлық іс-шаралардың қорытындысы бойынша анықталған бұзушылықтарды жою және оларға жол берген тұлғалардың жауапкершілігін қарау мақсатында Департаментпен мемлекеттік аудит объектілеріне 70 нұсқама жіберілді.
Ағымдағы жылдың бірінші жартыжылдығында өткізілген аудиторлық іс-шаралармен аудит объектілерінің 72 лауазымды тұлғасы тәртіптік жауапкершілікке тартылды.
Қазақстан Республикасының Мемлекеттік сатып алу туралы Заңнамасының және Қазақстан Республикасының бухгалтерлік есеп және қаржылық есептілік туралы заңнамасының талаптарын бұзғаны үшін Қазақстан Республикасының Әкімшілік құқық бұзушылық туралы Кодексіне сәйкес Департаментпен 163 әкімшілік хаттама жасалып, жалпы 17,7 млн.теңгеге айыппұл салынды, оның 17,7 млн. теңгесі бюджетке төленді.