Астана қаласы бойынша Ішкі мемлекеттік аудит департаментімен мемлекеттік сатып алу веб-порталында жарияланған мемлекеттік сатып алуларға тұрақты негізде камералдық бақылау жүргізіліп отырады.
Бұл ретте ұйымдастырушылар / тапсырыс берушілер мемлекеттік сатып алуды өткізу кезінде бұзушылықтарға жүйелі түрде жол береді.
Мәселен, 2023 жылдың бірінші жартыжылдығында камералдық бақылаумен жалпы сомасы 1014,1 млрд. теңгеге 39732 мемлекеттік сатып алу рәсімі қамтылды.
Жүргізілген камералдық бақылау қорытындысы бойынша жалпы сомасы 27,1 млрд теңгеге мемлекеттік сатып алу рәсімдерінің 978 бұзушылығы анықталды.
Бұдан басқа, есепті кезеңде өткізілген мемлекеттік сатып алу бойынша Департаментте заңды және жеке тұлғалардан 2917 шағым келіп түсті, оның ішінде: 520 өтініш қанағаттандырылды, 671 өтініш ішінара қанағаттандырылды, 1534 өтінішті қанағаттандырудан бас тартылды, 192 қарауда.
Мемлекеттік аудит объектілерімен камералдық бақылау нәтижелері және бұзушылықтардың алдын алу бойынша анықталған бұзушылықтарды жою туралы 955 хабарлама орындалды.