Шығыс Қазақстан облысы бойынша ішкі мемлекеттік аудит департаменті (бұдан әрі – Департамент) 2023 жылғы 1 тоқсанда бюджет заңнамасы, мемлекеттік сатып алу, бухгалтерлік есеп және қаржылық есептілік саласындағы талаптарды сақтау мәселелері бойынша 15 аудит объектісінде сәйкестік аудитін жүргізді, жалпы қамту сомасы – 980,1 млн. теңге. Аудит қорытындысы бойынша анықталған бұзушылықтарды жою туралы және оларға жол берген лауазымды адамдардың жауаптылығын қарау туралы 14 нұсқама жолданды.
Аудитпен қамтылған бюджет қаражатының жалпы сомасынан 2023 жылдың 1 тоқсанында жалпы сомасы 568,3 млн.теңгеге бұзушылықтар анықталды, оның ішінде 354,4 млн. теңгеге қаржылық бұзушылықтар, рәсімдік сипаттағы бұзушылықтар – 213,9 млн. теңге.
Анықталған бұзушылықтардың жалпы сомасынан 76,5 млн. теңге өтелуге, 277,9 млн.теңге қалпына келтірілуге жатады. Қабылданған шаралармен бюджетке 13,7 млн. теңге сомасында өтелді, 228,6 млн.теңге есепке алу бойынша қалпына келтірілді.
2023 жылдың 1 тоқсанында жүргізілген сәйкестік аудитінің қорытындысы бойынша жалпы сомасы 0,5 млн. теңгеге 5 әкімшілік іс қозғалды, әкімшілік хаттамалар бойынша бюджетке 0,5 млн. теңгеге немесе 100% әкімшілік айыппұлдар өндірілді.
Қолданыстағы заңнама талаптарын бұзуға әкеп соққан лауазымдық міндеттерін тиісінше орындамағаны үшін 2023 жылдың 1 тоқсанында аудит объектілерінің 2 лауазымды тұлғасы әкімшілік жауапкершілікке, 15 лауазымды тұлғасы тәртіптік жауапкершілікке тартылды.
«Мемлекеттік аудит және қаржылық бақылау туралы» ҚР Заңының 5-бабына сәйкес Департамент аудит объектілеріне қатысты қаржылық бақылаудың ден қою шараларын жүзеге асыруда.