Жамбыл облысы бойынша Ішкі мемлекттік аудит департаментімен 2023 жылдың өткен мерзімінде 26 нысан аудиторлық іс-шарамен қамтылды, оның ішінде: тізім бойынша – 10, жоспардан тыс - 16, сонымен қатар: Комитеттің тапсырмасы бойынша - 5, заңды және жеке тұлғалардың жолданымдары бойынша – 11.
Аудиторлық іс-шаралар нәтижесі бойынша 25 нысанда жалпы сомасы 6 623 088,3 мың теңге құрайтын бұзушылықтар анықталған, оның ішінде: 1 043 044,7 мың теңге қаржылық бұзушылықтар, 5 580 043,6 мың теңге рәсімдік сипаттағы бұзушылықтар, оның ішінде мемлекеттік сатып алу заңнамасының талаптары бұзылып, жалпы сомасы 5 290 861,8 мың.теңгеге бұзушылықтар анықталды, қабылданған ден қою шараларымен жалпы сомасы 4,263 млрд. теңгеге 3 мемлекеттік сатып алу келісім-шарттары бұзылды.
Бюджетке қайтарылып қалпына келтірілуге тиіс 1 043 044,7 мың теңгеден қолданылған шаралар арқылы 500 986,1 мың теңге қайтарылып қалпына келтірілді, яғни орнын толтыру 48,0 пайызды құрады.
Жүргізілген аудиторлық іс-шаралар қорытындылары бойынша ден қою шараларымен анықталған бұзушылықтар үшін 40 лауазымды тұлғалар тәртіптік жазаға тартылды, 7 лауазымдық тұлғаларға қатысты әкімшілік іс қозғалып, 1707,7 мың теңге көлемінде айыппұл салынып толығымен өндірілді, яғни орындалуы 100,0 пайызды құрады.
Оның ішінде, Жамбыл облысы бойынша ішкі мемлекеттік аудит департаменті ағымдағы жылдың 1 тоқсанында Қазақстан Республикасының заңнамасы сәйкестігіне "СК-Фармация" ЖШС-і арқылы сатып алынған дәрілік заттар мен медициналық бұйымдарды, фармацевтикалық қызметтерді сатып алу мен пайдаланудың негізділігі мәселесі бойынша Жамбыл облысы әкімдігі денсаулық сақтау басқармасының ведомстволық бағынысты ұйымдарының 10 объектісінде аудиторлық іс-шаралар аяқталды.
Аудиторлық іс-шаралар нәтижесімен жалпы сомасы 302 153,5 мың теңгеге бұзушылықтар анықталды, оның ішінде қаржылық бұзушылықтар 24 211,1 мың теңге.
Аудиторлық іс-шараның нәтижелері бойынша Нұсқама енгізіле отырып, ден қою шаралары қабылданды, 2023 жылғы 1 сәуірдегі жағдай бойынша барлығы 25 адам тәртіптік жауапкершілікке тартылды, орын алған қаржылық бұзушылықтар толығымен қалпына келтірілді, ұсынымдар толығымен орындалды.