Атырау облысы бойынша Ішкі мемлекеттік аудит департаменті 2023 жылдың 1 тоқсанында 16 аудиторлық іс-шара жүргізді.
Аудиторлық іс-шаралар жүргізу барысында 5 162,6 млн.теңге қамтылып, жалпы сомасы 1 700,3 млн.теңгенің бюджет заңнамасының бұзушылықтары анықталды, оның ішінде: рәсімдік сипаттағы бұзушылықтар сомасы 1 689,5 млн.теңге және қаржылық бұзушылықтар сомасы 10,8 млн.теңгені құрап, алынған шаралармен толықтай бюджетке қайтарылды.
Қазақстан Республикасының «Әкімшілік құқық бұзушылық туралы» Кодексіне сәйкес 98 лауазымды тұлғаларға жалпы сомасы 4,8 млн.теңгеге айыппұл салынып, толықтай бюджетке өндірілді.
Жіберілген бұзушылықтар үшін 13 лауазымды тұлғалар тәртіптік жауапкершілікке тартылды.
Есепті кезеңде камералдық бақылаумен жалпы сомасы 150 158,8 млн.теңгенің 3541 мемлекеттік сатып алулары қамтылып, олардың нәтижесімен 1074 мемлекеттік сатып алулар бойынша бұзушылықтар анықталып, хабарламалар толықтай орындалды.
Департаментке 388 өтініш түсті, Заңда көзделген мерзімде қаралып, өтініш берушілерге жауаптары берілді.