2023 жылдың 1 тоқсанында Жетісу облысы бойынша Ішкі мемлекеттік аудит департаменті жалпы сомасы 1 310,1 млн.теңгеге бюджет қаражаты мен мемлекет активтерін қамтумен 21 аудиторлық іс-шара өткізді.
Аудит нәтижелері бойынша жалпы сомасы 610,0 млн. теңгеге бюджеттік және өзге де қаржылық бұзушылықтар анықталды.Сондай-ақ 124,9 млн. теңге сомасына рәсімдік сипаттағы бұзушылықтар орын алған.
Аудиторлық іс-шаралардың қорытындысы бойынша анықталған бұзушылықтарды жою және оларға жол берген жауапты тұлғаларды қарау мақсатында аудит объектілеріне 18 нұсқама жіберілді.
Бұзушылқтарға жол берілгені үшін 0,6 млн теңге айыппұл сомасына алты лауазымды тұлға әкімшілік жауапкершілікке тартылды, аудит объектілерінің 18 лауазымды тұлғасы тәртіптік жауапкершілікке тартылды.
Камералдық бақылаумен жалпы сомасы 128 992,6 млн. теңгеге, 5621 мемлекеттік сатып алу рәсімі қамтылды, нәтижесінде жалпы сомасы 20 659,2 млн.теңгеге 1042 - лот бойынша бұзушылықтардың уақтылы жолын кесті.