Жетісу облысы бойынша ішкі мемлекеттік аудит департаменті құзыреті шегінде әкімшілік құқық бұзушылықтар туралы істерді қарау, оның ішінде Департаменттің нұсқамалары негізінде қаржылық бұзушылықтар сомасын бюджет кірісіне өтеу бойынша тұрақты негізде жұмыс жүргізуде. Ағымдағы жылдың 1-тоқсанында 89 лауазымды тұлғаға қатысты әкімшілік іс қозғалып, жалпы сомасы 10 192 750 мың теңгеге айыппұл түрінде әкімшілік жауапкершілікке тартылды. Бұзушылықтар мемлекеттік сатып алу саласында анықталды, атап айтқанда: заңда көзделмеген негіздер бойынша шарттар жасасуда; бекітілген Мемлекеттік сатып алудың жылдық жоспарында көзделмеген тауарларды, жұмыстарды,көрсетілетін қызметтерді сатып алу; тауарларды, жұмыстарды, көрсетілетін қызметтерді мемлекеттік сатып алуды жүзеге асыру кезінде олардың біртекті түрлері және оларды жеткізу орны бойынша лоттарға бөлмеу.