Солтүстік Қазақстан облысы бойынша ішкі мемлекеттік аудит департаменті "Петропавл қаласы әкімдігінің тұрғын үй-коммуналдық шаруашылық, жолаушылар көлігі және автомобиль жолдары бөлімі" КММ-де саябақтар мен скверлерді механикаландырылған жинау бойынша жұмыстарды орындауға шарттық міндеттемелерді орындау мәселесі бойынша аудиторлық іс-шара өткізді.
Аудит барысында Департамент "Amanat "партиясы" қоғамдық бірлестігі өкілінің қатысуымен қардан механикаландырылған тазартуға жататын саябақтар мен скверлерді бақылау өлшемін және көзбен шолып тексеруді жүргізді.
Өлшеу нәтижелері бойынша жалпы ауданы 123 352 м2 болатын 52 саябақ пен сквер қардан тазартуға жататыны анықталды, бұл ретте мердігер орындалған жұмыстардың актілерінде 371 500 м2 аумақты көрсетті, бұл үш еседен асады.
Аудиторлық іс-шараның қорытындысы бойынша 36 892,7 мың теңге сомасында ақы төлеуге ұсынылған жұмыстарды асыра бағалау бойынша қаржылық бұзушылықтар анықталды.
Аудиторлық іс-шара барысында мердігер жергілікті бюджет кірісіне 36 892,7 мың теңге өтеді.