Қостанай облысы бойынша ішкі мемлекеттік аудит департаменті өз құзыреті шегінде мемлекеттік сатып алу рәсімдерін бақылауды камералдық тәсілмен, яғни электрондық портал арқылы жұмыс орнында аудит объектілеріне бармай жүзеге асырады.
Камералдық бақылау нәтижелері бойынша 2022 жылы аудит объектілеріне 14,7 млрд.теңге сомаға мемлекеттік сатып алу рәсімдерінің бұзылуын жоюға 876 хабарлама жіберілді, оның ішінде 11,3 млрд. теңге сомаға 442 хабарлама бойынша сатып алу қорытындысы қайта қаралды.
Конкурс рәсімдеріне шағымдану шеңберінде Департамент атына 927 шағым келіп түсті, олар толық көлемде қаралды. Қарау нәтижелері бойынша Департамент келесі шешімдер қабылдады: 523 шағым толық немесе ішінара қанағаттандырылды, 404 шағым қанағаттандырудан бас тартылды.
Қазақстан Республикасының "Әкімшілік құқық бұзушылық туралы" Кодексіне сәйкес 2022 жылы айыппұлдың жалпы сомасы 26,6 млн.теңгеге 437 әкімшілік хаттама жасалды, оның ішінде бюджетке 25,4 млн. теңге түсті. Сомалардың қалдықтары бойынша материалдар сот орындаушыларына Қазақстан Республикасының заңнамасында көзделген тәртіппен мәжбүрлеп орындауға берілді.
Қостанай облысы бойынша Ішкі мемлекеттік аудит департаменті