2022 жылы ҚР ҚМ ІМАК Шығыс Қазақстан облысы бойынша ішкі мемлекеттік аудит департаменті (бұдан әрі мәтін бойынша - Департамент) жалпы сомасы 60 153,9 млн.теңгеге бюджет қаражаты мен мемлекет активтерін қамти отырып, 173 аудиторлық іс-шара өткізді.
Аудит нәтижелері бойынша жалпы сомасы 35 882,4 млн. теңгеге бюджеттік және өзге де заңнаманы бұзушылықтар анықталды, оның ішінде қаржылық бұзушылықтар 2 022,3 млн.теңгені, рәсімдік бұзушылықтар 33 860,1 млн. теңгені құрады.
Мемлекеттік аудит объектілеріне анықталған бұзушылықтар мен кемшіліктердің себептерін жоюға, сондай-ақ аудит объектілерінің қызметін жақсартуға бағытталған 164 нұсқама мен тиісті ұсынымдар жіберілді.
Қылмыстық қудалау органдарымен өзара іс-қимыл аясында процестік шешім қабылдау үшін 14 аудит материалы берілді, талап қою жұмыстары бойынша Департамент сотқа 5 талап арыз берді, олар толық көлемде қанағаттандырылды. Жол берілген бұзушылықтар үшін 35 лауазымды тұлға әкімшілік жауапкершілікке, 178 лауазымды тұлға тәртіптік жауапкершілікке тартылды.
11 421,5 млрд.теңге сомасына мемлекеттік сатып алудың 636 458 рәсімін камералдық бақылаумен барынша қамту қамтамасыз етілді, нәтижесінде 1 265,3 млрд. теңге сомасына 54 384 лот бойынша бұзушылықтардың уақтылы жолы кесілді.
2022 жылы Департамент қызметкерлері арасында мемлекеттік қызметшілердің кәсіби деңгейі мен этикалық нормаларын арттыруға бағытталған 71 семинар-кеңес өткізілді.
ҚР ҚМ ІМАК Шығыс Қазақстан облысы бойынша ішкі мемлекеттік аудит департаменті