Департаментпен ҚР "Мемлекеттік аудит және қаржылық бақылау туралы" Заңының 18-бабына сәйкес жоспардан тыс 18 аудиторлық іс-шара өткізді.
Аудитпен қамтылған қаражат көлемі 2 535 973,3 мың теңгені, оның ішінде бақылаумен қамтылған мемлекеттік сатып алу сомасы 526 727 мың теңгені құрады.
Аудиторлық іс-шаралардың нәтижелері бойынша анықталған бұзушылықтардың жалпы сомасы 2 138 275,5 мың теңгені құрады, оның ішінде;
- 758 028,5 мың теңге сомасына қаржылық бұзушылықтар;
- рәсімдік сипаттағы бұзушылықтар 1 380 247,0 мың теңге:
Есепті кезеңде жүргізілген аудиторлық іс-шаралардың қорытындылары бойынша анықталған бұзушылықтарды жою және оларға жол берген жауапты тұлғаларды қарау мақсатында аудит объектілеріне 17 нұсқама жіберілді. Бұл ретте, аудит объектілерінің 2 лауазымды тұлғасы тәртіптік жауапкершілікке тартылды.
Сондай-ақ, Департаменттің аудиторлық іс-шаралардың нәтижелері бойынша 1056,3 мың теңге сомасына 14 лауазымды тұлғаға қатысты әкімшілік жаза қолданылды, олар тиісті бюджеттің кірісіне толық көлемде өндірілді.
Екі аудиторлық іс-шараның қорытындысы бойынша тиісті материалдар процессуалдық шешім қабылдау үшін құқық қорғау органдарына жолданғанын атап өту қажет.
Сонымен қатар, Департамент «Мемлекеттік аудит және қаржылық бақылау туралы» Қазақстан Республикасы Заңының 30-бабына сәйкес Жетісу облысының ұйымдастырушылары/тапсырыс берушілері өткізетін мемлекеттік сатып алуларға тұрақты негізде камералдық бақылау жүргізеді.
Мәселен, жалпы сомасы 31,1 млрд. теңгеден астам мемлекеттік сатып алудың 3 229 лоты камералдық бақылаумен қамтылды, оның қорытындысы бойынша 6,8 млрд.теңге сомасына 804-лот бойынша бұзушылықтар анықталды және олар бойынша бұзушылықтарды жою туралы 804 хабарлама жіберілді.
Бұдан басқа, Департамент қызметкерлері бірыңғай ұйымдастырушылармен және тапсырыс берушілермен Мемлекеттік сатып алуды жүзеге асыру кезіндегі проблемалық мәселелерді талқылай отырып, Мемлекеттік сатып алу саласындағы нормативтік-құқықтық актілерге енгізілген өзгерістерді жеткізу бөлігінде семинарлар өткізілген.
Сондай-ақ, өткізілетін семинарлар шеңберінде «Әкімшілік құқық бұзушылықтар туралы» Қазақстан Республикасы кодексінің 207-бабында көзделген лауазымды тұлғалардың әкімшілік жауаптылығына әкеп соғатын Мемлекеттік сатып алу саласындағы ҚР заңнамасының нормаларын бұзушылықтар жеткізілді.