2022 жылы Ақтөбе облысы бойынша Ішкі мемлекеттік аудит департаментімен конкурстық құжаттамада әлеуетті өнім берушілердің санын шектеуге әкеп соғатын және заңда көзделмеген тыйым салынған талаптар мен шарттарды белгілеу, ұйымдастырушылардың заңнамада көзделмеген біліктілік талаптарын заңсыз белгілеу фактілерінің, мемлекеттік сатып алу қорытындыларының хаттамасын жариялау барысында конкурстық комиссияның заңсыз әрекеттері фактілерінің, бір көзден сатып алуды жүзеге асыру кезінде, баға ұсыныстарын сұрату, тауар биржасымен жарияланған сатып алулардағы заң бұзушылық фактілерінің жолы кесілді.
Департаментпен 464 666,1 млн. теңге сомасына 26 036 мемлекеттік сатып алу лотына камералдық бақылау жүргізіліп, жалпы сомасы 59 018,2 млн. теңгені құрайтын 1 690 мемлекеттік сатып алу лоты бойынша бұзушылықтар анықталып, анықталған бұзушылықтарды жою туралы хабарламалар жолданды.
2022 жылдың қорытындысы бойынша Департаментпен хабарламаларды уақытылы немесе тиісінше орындамағаны үшін Қазақстан Республикасының «Әкімшілік құқық бұзушылықтар туралы» кодексінің 462-бабының 3-бөлігіне сәйкес 21 лауазымды тұлғаға қатысты әкімшілік құқық бұзушылық туралы 22 іс қозғалды.
Мемлекеттік сатып алу туралы заңнама бұзушылықтар үшін 4 лауазымды тұлғаға 306 300 теңгеге әкімшілік айыппұл салынды.