Қазақстан Республикасы Қаржы министрлігінің Ішкі мемлекеттік аудит комитеті «Мемлекеттік аудит және қаржылық бақылау туралы» Қазақстан Республикасының Заңының 14-тармағына сәйкес бюджеттік бағдарламалар әкімшілерінің қаржылық есептілігіне, оның ішінде шоғырландырылған қаржылық есептілігіне және мемлекеттік мекемелердің қаржылық есептілігіне тәуекелдерді басқару жүйесі негізінде жыл сайынғы аудит жүргізеді.
Комитет қаржы есептілігінің аудитін 24 объектіде жүргізеді, оған 11 орталық мемлекеттік органдары және 13 ведомстволық бағынысты мемлекеттік мекемелер мен квазимемлекеттік сектор субъектілері кіреді.
Бұдан басқа, қаржылық есептілік аудитін аумақтық ішкі мемлекеттік аудит департаменттерімен 17 облыстық басқармаларда және квазимемлекеттік сектор субъектілерін қоса алғандағы, 45 ведомстволық бағынысты мекемелерде өткізіледі.
Аудиторлық іс-шаралармен активтерді, міндеттемелерді және таза активтерді/капиталды көрсетудің толықтығы, ақша қаражатының қозғалысын, дебиторлық және кредиторлық берешекті, қаржылық инвестицияларды және ұзақ мерзімді активтерді есепке алудың дұрыстығы, кірістер мен шығыстар шоттарын жабу және есепті кезеңдерде жасалған басқа да қаржы-шаруашылық операциялар мәселелері қамтылды.
Бюджеттік бағдарламаларының әкімшілері жылдық есеп жасалғанға дейін және аудиторлық іс-шара аяқталғанға дейін бухгалтерлік есепті жүргізуде жіберілген қателіктерді ағымдағы тәртіптемелерде сәйкестендіре алатындай аудиттің қолданылатын тәсілдері алдын алуға бағытталған.
Қазіргі уақытта 2022 жылға арналған қаржылық есептілік аудиті жалғасып жатқандықтан, аудиттің түпкілікті нәтижелері аудит объектілері қаржылық есептілікті қалыптастырғаннан және аудиторлық есепке қол қойғаннан кейін орналастырылатын болады(Ішкі мемлекеттік аудит комитетінің 2022 жылға арналған мемлекеттік аудит объектілерінің тізбесі).