Қазақстан Республикасы Бас прокуратурасының Активтерді қайтару жөніндегі комитеті

Қазақстан Республикасы Бас прокуратурасының Активтерді қайтару комитеті активтерді қайтару жөніндегі уәкілетті орган болып табылады.

Комитеттің құзыреті:

1) активтерді қайтару жөніндегі қызметті мемлекет атынан және оның мүддесі үшін жүзеге асыру;

2) активтер туралы келіп түскен ақпаратты іздеу, жинау, өңдеу, қорыту, бағалау, активтердің шығу тегі туралы мәліметтерді талдау;

3) активтерді қайтару мәселелері бойынша мемлекеттік, құқық қорғау және арнаулы мемлекеттік органдардың ведомствоаралық өзара іс-қимылын қамтамасыз ету және қызметін үйлестіру;

4) комиссия қалыптастырған тізілімді жүргізуді жүзеге асыру;

5) Қазақстан Республикасының Азаматтық іс жүргізу заңнамасына сәйкес активтерді ерікті түрде қайтару туралы келісім, бітімгершілік келісімдер, Қазақстан Республикасының Қылмыстық және қылмыстық іс жүргізу заңнамасына сәйкес кінәні мойындау және активтерді қайтару туралы процестік келісімдер және Қазақстан Республикасының заңнамасына қайшы келмейтін өзге де келісімдер жасасу;

6) активтерді қайтару мақсатында қылмыстық-құқықтық, әкімшілік-құқықтық және азаматтық-құқықтық салаларда халықаралық-құқықтық ынтымақтастықты жүзеге асыру;

7) заңсыз сатып алынған активтерді іздеу (ашу), шығу тегін растау, алдын ала қамтамасыз ету шараларын, қамтамасыз ету шараларын қолдану және мемлекетке қайтару саласында халықаралық-құқықтық ынтымақтастықты жүзеге асыру;

8) комиссияның қызметін қамтамасыз ететін жұмыс органының функциясын жүзеге асыру;

9) мемлекет атынан "заңсыз сатып алынған активтерді мемлекетке қайтару туралы"заңда көзделген негіздер бойынша жеке және заңды тұлғаларға қатысты әкімшілік, қылмыстық және азаматтық сот ісін жүргізуге, сол сияқты әкімшілік құқық бұзушылық туралы істер жүргізуге бастамашылық жасау;

10) Өз құзыреті шегінде Қазақстан Республикасының заңнамасында белгіленген тәртіппен нормативтік - құқықтық актілерді қабылдау;

11) активтерді қайтару саласындағы нормативтік құқықтық актілерді жетілдіру жөнінде ұсыныстар әзірлеу;

12) мемлекеттік органдардан, ұйымдардан, квазимемлекеттік сектор субъектілерінен және лауазымды адамдардан Қазақстан Республикасының заңнамасында белгіленген тәртіппен ақпарат пен материалдарды сұрау салу және алу;

13) салықтардың және бюджетке төленетін басқа да міндетті төлемдердің түсуін қамтамасыз ету саласында басшылықты жүзеге асыратын уәкілетті органмен бірлесіп, активтерді ашу туралы декларацияны табыс ету нысаны мен тәртібін бекітеді;

14) "заңсыз сатып алынған активтерді мемлекетке қайтару туралы" заңда, Қазақстан Республикасының өзге де заңдарында және Қазақстан Республикасы Президентінің актілерінде көзделген өзге де өкілеттіктерді жүзеге асыру.

Мекенжай                                010000, Астана қ, Мәңгілік Ел даңғылы, 14

Кеңсе                                         +7 (7172) 30-17-72

Баспасөз қызметі                  +7 (7172) 30-17-52

Байланас номеры                   8 (7172)30-19-00 ; +7 701-700-06-54

 Email                                          kva-gp@prokuror.gov.kz

Call-орталық:                           115 – Қазақстан бойынша қоңырау шалу тегін