Комитетте активтерді қайтару бойынша семинар-тренинг өткізілді

Қазақстан Республикасы Бас прокуратурасының Активтерді қайтару жөніндегі комитеті (бұдан әрі - Комитет) өзінің қызметкерлері үшін БҰҰ Есірткіге және қылмысқа қарсы күрес басқармасының (бұдан әрі - БҰҰ ЕҚКБ) қолдауымен қылмыстық активтерді тиімді қадағалау және тыйым салу тақырыбы бойынша семинар-тренинг ұйымдастырды.

Қаржылық тергеу, мүлікті іздеу және ақшаны жылыстатуға қарсы күрес саласындағы халықаралық сарапшы Игорис Кржечковскис спикер болып сөйледі.

Екі күндік іс-шара аясында «Заңсыз иемденілген активтерді мемлекетке қайтару туралы» Қазақстан Республикасының Заңының негізгі тармақтары және мүлікті іздеу, тыйым салу және Қазақстан Республикасына қайтару саласындағы халықаралық стандарттарды енгізуге қатысты мәселелер талқыланды.

Семинар-тренингте Кржечковскис мырза нақты практикалық жағдайларды мысалға ала отырып, заңсыз алынған активтерді анықтау, нақты кіріс көздерін анықтауға мүмкіндік беретін тұлғаның шығыстары туралы мәліметтерді жинау және талдау бойынша жедел-іздестіру іс-шараларының озық тәжірибесімен бөлісті.

Сарапшы активтерді іздеудегі ведомствоаралық ынтымақтастықтың және шетелдегі мүлікті анықтауға және тыйым салуға бағытталған жедел халықаралық ынтымақтастықтың маңыздылығын атап өтті.

Іс-шаралар қорытындысы бойынша тыңдаушылар Кржечковскис мырзаға интерактивті талқылаулар өткізгені және активтерді қайтару жөніндегі кеңселер арасындағы халықаралық-құқықтық ынтымақтастықтың өзекті мәселелерін талқылауға қатысу мүмкіндігі үшін алғыстарын білдірді.

Комитет пен БҰҰ ЕҚКБ 2024 жылы қызметкерлердің біліктілігін арттыру бойынша бірлескен іс-шаралар өткізуді жоспарлады.

 

Қазақстан Республикасы

Бас прокуратурасының

Активтерді қайтару жөніндегі комитеті