Бас прокуратураның өкілдері Еуропалық Одақ прокурорларымен кездесті

Қазақстандық прокурорлар Шығыс Еуропа мен Орталық Азия елдерінің сыбайлас жемқорлыққа қарсы күрес желісінің құқық қорғау органдарының 13-ші жыл сайынғы кездесуіне қатысты.

Іс-шара барысында Қазақстан Бас прокуратурасының өкілдері Еуропалық Одақ (ЕО) прокурорының орынбасары Петр Клементпен және халықаралық қатынастар жөніндегі кеңесші Амели Родригеспен кездесті.

Тараптар заңсыз иемденілген және шығарылған активтерді қайтару, сондай-ақ сыбайлас жемқорлыққа қарсы іс-қимыл істері бойынша тәжірибе алмасу, қылмыстық жолмен алынған мүлікті заңдастыру мәселелері бойынша екіжақты ынтымақтастықтың перспективаларын талқылады.

Айта кетейік, ЕО прокуратурасының басым міндеттері -  сыбайлас жемқорлықпен және салықтарды төлемеумен күресмен қатар қаражатты жылыстату, заңсыз иемдену және т.б. болып табылады.

 

Бас прокуратураның баспасөз қызметі