Конституциялық Соттың Төрағасы Нидерланды Корольдігінің Қазақстандағы Елшісімен кездесті

Қазақстан Республикасы Конституциялық Сотының Төрағасы Эльвира Азимова Нидерланды Корольдігінің Қазақстан Республикасындағы жаңадан тағайындалған Елшісі Нико Схермерс мырзамен кездесті.

Кездесу барысында екі ел арасындағы құқықтық саладағы ынтымақтастық, конституциялық құқық саласындағы ғылыми-практикалық тәжірибе алмасу және конституциялық бақылау саласындағы кадрлардың біліктілігін арттыру мәселелері талқыланды.

Кездесу соңында қатысушылар Нидерланды және басқа серіктес елдердің заңгер-ғалымдары және институттарының қолдауымен Конституциялық Сот аппараты қызметкерлерінің біліктілігін арттыру мақсатында Орталық Азия ғалымдары мен заңгерлерін шақыру арқылы ынтымақтастық, оның ішінде бірлескен жобалар, тренингтер және басқа да іс-шаралар өткізу туралы уағдаластыққа қол жеткізді.