Конституциялық Сот Конституция күнін атап өтті

Бүгін Конституциялық Сот судьялары мен Аппарат қызметкерлерінің қатысуымен Конституция күніне орай салтанатты жиналыс өтті. Шараны КС Төрағасы Эльвира Азимова ашып, қатысушыларды келе жатқан мемлекеттік мерекемен құттықтады.

Конституциялық заңдылықты нығайтуға қосқан үлесі үшін КС Аппаратының қызметкерлеріне ведомстволық наградалар табысталды.

Азимова бұл күн конституциялық бақылау органы үшін ерекше екенін атап өтті. Құқықтық мемлекеттің негізі болып табылатын конституциялық принциптерді қорғау және сақтау оның басты бағдары. Төраға ұжымға адалдығы мен елдің құқықтық жүйесін нығайтуға қосқан үлесі үшін алғысын білдіріп, табысты жұмыс пен амандық тіледі.