Конституциялық Сот пен Халықаралық төрелік орталығы ынтымақтастықты жалғастырады

Конституциялық Соттың Төрағасы Эльвира Әзімова мен Конституциялық Соттың судьялары АХҚО Халықаралық төрелік орталығының төрағасы Томас Крюммельмен кездесті.

Кездесу барысында тараптар өзара түсіністік туралы меморандум шеңберінде бірлескен іс-шаралар өткізу, сараптамалық қолдау және тәжірибе алмасу, оның ішінде сот ісін жүргізудегі медиация және медиа-ресурстармен өзара іс-қимыл мәселелері бойынша уағдаластыққа қол жеткізді.

Сонымен қатар, жастар арасында конституциялық және халықаралық жеке құқық, Қазақстан Конституциясымен кепілдендірілген кәсіпкерлік қызмет бостандығы мен бірігу бостандығы туралы білімді ілгерілету мәселелері талқыланды.