ҚАЗАҚСТАН КОНСТИТУЦИСЫНЫҢ 25 ЖЫЛДЫҒЫНА АРНАЛҒАН ХАЛЫҚАРАЛЫҚ КОНФЕРЕНЦИЯ

Шырақбек Қабылбаев атындағы ІІМ Қостанай академиясы, Қазақстан Республикасының Конституциялық Кеңесі және Ғылыми және арнайы зерттеулер орталығы (Ақтөбе қ.) 2020 жылғы 21 тамызда Қазақстан Республикасы Конституциясының 25 жылдығына арналған «Қазақстан Республикасында адам мен азаматтың құқықтары мен бостандықтарын іске асырудың Конституциялық-құқықтық тетігі» бірлескен халықаралық ғылыми-практикалық конференциясын қашықтықтан форматта өткізеді. Конференция жұмысы аясында келесі мәселелерді талқылау жоспарлануда: - Құқық қорғау жүйесінің конституциялық-құқықтық дамуы: ұлттық және шетелдік тәжірибе. - Құқық қорғау органдары адамның және азаматтың конституциялық құқықтары мен бостандықтарының кепілдіктерін іске асыру механизмінде. - Қазіргі кезеңдегі АТС-тың азаматтық қоғаммен сындарлы өзара әрекеті. Конференцияға қатысушыларға Қазақстан Республикасы
Конституциялық Кеңесінің Төрағасы, заң ғылымдарының докторы Қайрат Әбдіразақұлы Мәми және Қазақстан Республикасы Қауіпсіздік Кеңесінің құқық қорғау жүйесі бөлімінің меңгерушісі Қанат Серікұлы Сейдғапбаров құттықтау сөз сөйлейді. Конференция жұмысына белгілі мемлекет қайраткерлері мен белгілі қазақстандық ғалымдар, атап айтқанда Меркель Иоган Давидович, Скаков Айдарқан Байдекұлы, Бекишева Сабигуль Джанабаевна, Сафар Абдугалиевич Колдыбаев, Галиев Серік Жақыпбекұлы, шет мемлекеттердің - Ресей Федерациясының, Тәжікстан Республикасының, Қырғыз Республикасының өкілдері, сондай-ақ құқық қорғау органдарының қызметкерлері, сарапшылар мен оқытушылар қатысады. Материалдармен Шырақбек Қабылбаев атындағы ІІМ Қостанай академиясының сайтында танысып (http://kostacademy.kz/) және конференцияның өзекті мәселелері бойынша пікір-таластарға қатысып Facebook веб-сайтының аттас бетінде пікір қалдыруға болады. (https://www.facebook.com/profile.php?id=100034612274760) Конференция қорытындысы бойынша материалдар мен ұсыныстар жинағын шығару жоспарлануда.