РЕСПУБЛИКА КОНСТИТУЦИЯСЫНЫҢ 25 ЖЫЛДЫҒЫНА АРНАЛҒАН ХАЛЫҚАРАЛЫҚ КОНФЕРЕНЦИЯ

2020 жылғы 16 қазанда Қазақстан Республикасы Конституциялық Кеңесінің мүшесі Ә.А. Темірбеков Қазақстан Республикасы Конституциясының 25 жылдығына арналған «Конституция ұлттық құқықты жаңғырту мен мемлекетті демократияландырудың негізі ретінде» тақырыбындағы халықаралық ғылыми-практикалық конференцияға қатысты. Іс-шараны «Тұран» университетінің «Құқықтану және халықаралық құқық» кафедрасы және құқық ғылыми-зерттеу институты онлайн режимде ұйымдастырды. Іс-шараға Қазақстан Республикасының атақты ғалымдары, мамандары, белгілі саяси қайраткерлері, ЖОО-ның докторанттары, магистранттары, студенттері, профессорлық-оқытушылық құрамы қатысты. Форум аясында Конституциялық Кеңестің мүшесі Ә.А. Темірбеков конференцияға қатысушыларға құттықтау сөз сөйледі.