Конституциялық Сот тергеу судьясының өкілеттіктерін жүзеге асыру тәртібінің Конституцияға сәйкестігін тексереді

Телеграмм КС - https://t.me/consot_kz  

 

Конституциялық Сот алдын ала қарау қорытындысы бойынша Қылмыстық-процестік кодекстің 56-бабы екінші бөлігінің бірінші абзацының Конституцияға сәйкестігін тексеру туралы азаматтың өтінішін конституциялық іс жүргізуге қабылдады.

Нормаға сәйкес тергеу судьясы өз құзыретіне жатқызылған мәселелерді сот отырысын өткізбей, жеке-дара қарайды.

Өтініш берушінің пікірінше, дауланып отырған норма «сотта әркімнің тыңдауға құқығы бар» конституциялық қағидасына қайшы келеді. Оның пайымдауынша, судьялар кез-келген заңды қолданған кезде осы қағидатты басшылыққа алуға және оны жүзеге асыруға жәрдемдесуге міндетті. Оның пікірінше, бұл қағида тек сот отырысын өткізу арқылы қамтамасыз етілуі мүмкін.