Азияның конституциялық соттары және эквиваленттік институттары ассоциациясы (AACC) 2010 жылы Азиядағы демократияны, құқық үстемдігі қағидатын және адамның негізгі құқықтарын қорғауды дамытуға жәрдемдесу мақсатында конституциялық сот төрелігі саласындағы азиялық өңірлік форум ретінде құрылды.
Қазақстан Республикасының конституциялық бақылау органы 2013 жылдан бастап Қауымдастықтың толыққанды мүшесі болып табылады. 2019–2021 жылдары Қауымдастыққа төрағалық ету функцияларын атқарды және 2020 жылғы тамызда Астанада AACC-тың IV Конгресін ұйымдастырды. Конституциялық Соттың өкілдері Қауымдастық мүшелері Кеңесінің отырыстарына тұрақты негізде қатысады.
Мүше елдер: Қауымдастық Азия елдерінің 22 конституциялық юрисдикция органын біріктіреді, олардың қатарында Ауғанстан, Әзербайжан, Бангладеш, Үндістан, Индонезия, Ирак, Иордания, Қазақстан, Қырғызстан, Корея Республикасы, Малайзия, Мальдив аралдары, Моңғолия, Мьянма, Пәкістан, Палестина, Филиппин, Ресей, Тәжікстан, Таиланд, Түркия және Өзбекстан бар.