Комитет халықтың санитариялық-эпидемиологиялық саламаттылығы саласындағы ӨРҰ мәселелерін талқылады

Бүгін Комитетте ҚР Бас мемлекеттік санитариялық дәрігері Сархат Бейсенованың төрағалығымен "Атамекен" ҚР Ұлттық Кәсіпкерлер палатасы өкілдерінің, ӨРҰ басшылары мен өкілдерінің қатысуымен халықтың санитариялық-эпидемиологиялық саламаттылығы саласындағы өзін-өзі реттеу (ӨРҰ) мәселесі бойынша кеңес өтті.

"Атамекен" ҰКП өзін-өзі реттеу мәселелері жөніндегі комитетінің төрағасы А.Жақыпов Санитариялық-эпидемиологиялық бақылау комитеті мемлекеттік органдар арасында алғашқылардың бірі болып ӨРҰ-ны белсенді түрде енгізіп жатқанын атап өтті.

Кеңеске қатысушыларға ӨРҰ қызметінің нәтижелерін тану туралы келісімнің жобасы, сондай-ақ аудиторлардың қызметін реттеу тәсілдері таныстырылды және эпидемиялық маңызы бар объектілерді ӨРҰға беру мәселелері талқыланды.

Объектілерді өзін-өзі реттеуге беру тәсілдері бақылау және қадағалау саласының ерекшелігін, сондай-ақ адам өмірі мен денсаулығы қауіпсіздігінің жеткілікті деңгейін қамтамасыз етуді ескере отырып айқындалатынын атап өту маңызды.

«Бүгінгі таңда ӨРҰ-ны санитариялық-эпидемиологиялық аудиттің дамуына елеулі үлес қосқан Қ.Шайсұлтан, Қ.Ташметов, С.Баянова, Қ.Сахиев, М.Хасанова, Д.Қажкенова және т.б. саланың корифейлері жүргізетіні қуантады. ӨРҰ енгізу жұмыстары жалғасады», - деп түйіндеді С.Бейсенова.

Кеңес қорытындысы бойынша, "Атамекен" ҰКП-мен бірлесіп, объектілерді тексеру кестесі және барып профилактикалық бақылау тізімі қалыптастырылатын Smart Data Ukimet платформасының жүйесіне ӨРҰ қосу процесін жеделдету туралы шешім қабылданды.

Жиынға халықтың санитариялық-эпидемиологиялық салауаттылығын кәсіби қамтамасыз ету саласындағы Ұлттық ӨРҰ, "NORMA KZ" эпидемиялық маңызы бар объектілер иелерінің қауымдастығы, "Адал кәсіпкер" эпидемиялық маңызы бар объектілер субъектілерінің одағы, Қазақстан дезинфекционистер Одағы және басқалар қатысты.