ҚР Премьер-Министрінің орынбасары Ералы Лұқпанұлы Тоғжанов Нұр-Сұлтан қаласының бірқатар кәсіпкерлік нысандарын аралады

11 тамыз күні Қазақстан Республикасы Премьер-Министрінің орынбасары Ералы Тоғжанов ҚР денсаулық сақтау, мәдениет және спорт министрлігі, Нұр-Сұлтан қаласы әкімішілігінің басшылығы және бас мемлекеттік санитарлық дәрігердің қатысуымен бизнестің жұмысын жаңғырту тетіктерін әзірлеу шеңберінде Нұр-Сұлтан қаласының бірқатар кәсіпкерлік нысандарын аралады. Тексеру «Сапаржай» автовокзалында, «Артем» сауда орталығында, сондай-ақ қалалық фитнес-клубтар мен қоғамдық тамақтану орындарында жүргізілді. «Сырқаттанушылық өткір және біз баса назар аударуымыз керек мәселе. Барлығы саланың дамуына мүдделі екенін түсінемін, бірақ қарапайым шараларды сақтауды сұраймын. Бизнес жауапкершілік деңгейін түсінгенін қалаймын», - деді Ералы Тоғжанов. Елордалық нысандарды аралау қорытындысы бойынша Премьер-Министрдің орынбасары мекеме басшыларына нақты тапсырмалар берді. Өз кезегінде кәсіпкерлер санитарлық нормалар мен қадағалау органдарының барлық нұсқамаларын қатаң сақтауға міндеттенді.