Халықаралық және республикалық маңызы бар жолдар бойындағы қоғамдық дәретханаларды тексеру аяқталды

Соңғы жылдары жол бойындағы дәретханалардың жағдайы жұртшылық тарапынан үлкен сынға ұшырады.

Бұл мәселе мемлекеттің имиджіне ғана емес, азаматтардың денсаулығына, сондай-ақ олардың құқықтарын құрметтеуге және елдің туристік әлеуетін дамытуға қатысты.

Бас көлік прокуратурасының талабына байланысты санитариялық-эпидемиологиялық бақылау органдары халықаралық және республикалық маңызы бар жолдардың бойында орналасқан барлық қоғамдық дәретханаларға ауқымды тексерулер жүргізуді аяқтады.

Бүгінгі күні жүргізілген тексерулер барысында жол бойындағы 52 дәретханада санитариялық-эпидемиологиялық нормалардың өрескел бұзушылықтары анықталды.

Осыған байланысты «ҚазАвтоЖол» ҰК» АҚ және «Қажсервис» ЖШС қатысты әкімшілік іс қозғалды және анықталған бұзушылықтарды жою туралы нұсқама берілді.