Қазақстанға 500 мың доза көлемінде қызылшаға қарсы вакцинаның партиясы әкелінді

Қызылшамен сырқаттанушылықтың халық арасында одан әрі таралуының алдын алу мақсатында елімізде қосымша жаппай иммундау (ҚЖИ) басталды.

22 қарашада ҚЖИ-мен 65 мыңнан астам бала қамтылды. Республикада қызылшаға, қызамыққа және паротитке қарсы вакцинаның 228 мыңнан астам дозасы бар. 

Сондай-ақ 500 мың доза көлемінде қосымша вакцина сатып алынды, ол бүгін Алматыға әкелінді.

Елімізге жеткізілген «Serum Institute of India» шығарған вакцина өндірілетін вакциналардың сапасы мен қауіпсіздігіне кепілдік беретін ДДҰ-ның алдын ала біліктілігіне ие.

Бұл вакцина 60 жыл бойы қолданылып келеді және өзін қызылшаның таралуын тоқтату үшін қауіпсіз және тиімді вакцина ретінде көрсетті.

Құрметті ата-аналар, есіңізде болсын! Баланың денсаулығы – мемлекет үшін басымдық, ал баланы инфекциялардан қорғаудың негізгі әдістерінің бірі – уақтылы вакцинациялау.

Вакцинация – қызылшадан қорғанудың ең сенімді әдісі, ол берік иммунитетті қалыптастырады және аурудың дамуына жол бермейді.

Балаңыздың денсаулығы сіздің қолыңызда. Балаңызға вакцинацияны уақтылы алуға және еліміздің дені сау азаматы болып өсуге көмектесіңіз.