Солтүстік Қазақстан облысы бойынша 2020 жылғы 1 тоқсандағы өнімдер қауіпсіздігінің мониторингін талдау

Адам өмірі мен денсаулығын, тұтынушылардың заңды мүдделерін қорғау үшін өнімнің қауіпсіздігін қамтамасыз ету үшін Солтүстік Қазақстан облысының тауарлар мен көрсетілетін қызметтердің сапасы мен қауіпсіздігін бақылау департаменті 1 тоқсанда халықтың санитариялық-эпидемиологиялық салауаттылығы саласындағы нормативтік құқықтық актілердің, гигиеналық нормативтер мен техникалық регламенттердің талаптарын бұзушылықтарды анықтауға және алдын алуға бағытталған бақылау жүргізді.

2020 жылдың 1 тоқсанында облыс аумағында 74 сауда объектілерінде сатып алу өткізілді, өнімнің 947 үлгісі зерттелді, оның ішінде 176 (18,5%) үлгілер техникалық регламенттердің талаптарына сәйкес келмеді (2019ж. 1244/267 -21,5%).

Азық-түлік өнімдерінің 487 үлгісі сатып алынды және зерттелді, оның ішінде 54 (11 %) үлгі техникалық регламенттердің талаптарына сәйкес келмеді.

Стандартты емес сынамалардың үлес салмағы ең жоғары:

ет және ет өнімдері - 27,1 % (107/29)

құс еті және құс өнімдері - 10,3 % (97/10)

сүт және сүт өнімдері - 5,5 % (54/3)

1 тоқсанда балық және балық өнімдерінің, май өнімдерінің, шырын өнімдерінің, арнайы тамақ өнімдерінің, балалар тағамдарының зерттелген үлгілері КО ТР талаптарына сәйкес келді.

Азық-түлік емес топтан 460 үлгі зерттелді, оның ішінде 122 үлгі ТР талаптарына сәйкес келмеді (26,5%).

Азық-түлік емес топтан сәйкес келмейтін өнімнің ең үлкен % - ы:

балалар ойыншықтары - 53,3% (120/64)

балаларға арналған бұйымдар – 36,8 % (38/14)

жеңіл өнеркәсіп өнімдері - 35 % (40/14)

тамақ өнімдерімен жанасатын материалдар мен бұйымдар - 48.2 % (29/14).

Департамент қызметкерлерімен жүргізілген мониторинг нәтижелері бойынша 2020 жылдың 1 тоқсанында кәсіпкерлік субъектілеріне ҚР заңнамасының талаптарын бұзушылықтарды жою туралы 35 нұсқама берілді, «Тұтынушыларды алдау» ҚР ӘҚБтК 190 бабы бойынша Солтүстік Қазақстан облысының тамақ өнімдерін өндірушілер бойынша 4 материал ПД-не жолданды.