Азық-түлікті жерқоймаларда қалай дұрыс сақтау керек?

Азық-түлік ерекше күтімді қажет етеді, олардың көпшілігі тез бұзылатын санатқа жатады, сондықтан оларды белгілі бір жағдайларда сақтау керек. Бірақ сақтау шарттары күрделі емес өнімдерді де қолайлы үй-жайларда орналастыру керек. Азық-түлік дұрыс сақталмаса ауыр улануға әкелуі мүмкін екенін түсіну маңызды. Азық-түлік өнімдерін дұрыс сақтау олардың бұзылуын болдырмауға және жарамдылық мерзімін ұзартуға ғана емес, сонымен қатар биологиялық құндылығын сақтауға мүмкіндік береді.

Азық-түлік өнімдерінің көпшілігі төмен температурада жақсы сақталады, өйткені салқындаған кезде физикалық, химиялық және биологиялық процестер баяулайды және зиянкестер көбеймейді. Сондықтан қыста адамдар көкөністер мен жемістерді жерқоймаларда сақтайды.

Өнімдерді жерқоймаларда ұзақ уақыт орналастыру кезінде нені ескеру керек?

Ең алдымен, жертөле немесе жерқойманы алдын-ала тазалап, желдетіп, кептіру қажет, ол үшін оны жаз бойы ашық ұстау керек. Зеңді болдырмау үшін тазалау жұмыстарын жүргізіп, қабырғаларды тиісті құралдармен тазалау қажет.

Қырыққабат, қияр, алма, брусника, тұздалған саңырауқұлақтарға ерекше назар аудару керек – мұның бәрі үлкен тазалықты қажет етеді. Бұл өнімдерді салқын жерде ұстап, аптасына кемінде бір рет тексеріп отыру керек.

Зең – бұл саңырауқұлақ, ол тез тарайды және егер ол ыдысқа тереңдеп енсе, онда өнім бұзылады. Сондықтан оны қадағалап, көгерудің таралуына жол бермеу керек.

Көкөністерді сақтауға арналған жертөле немесе жерқойма қыста қатып қалмауы керек. Картоп пен көкөністерді өте қатты аязда қатып қалмас үшін олар сақталған бөлмені жылытуға болады. Көкөністер және басқа өнімдерді сақтау барлық қауіпсіздік шараларын қамтамасыз етуді талап етеді, өйткені көкөністерді дұрыс сақтау әр дақыл үшін белгілі бір шарттарды сақтауды білдіреді – бұл ең алдымен температура, ылғалдылық және желдету. Ауаны желдетпеу бактериялардың көбеюіне ықпал етеді, сондықтан жертөле мен жерқоймаларда желдеткіш құбырларын орналастыру қажет.

Қыста көкөністер мен жемістерді қалай сақтау керектігін түсінгеннен кейін зиянкестер туралы ұмытпаңыз. Тамыр дақылдары тышқандар, егеуқұйрықтар үшін дәмді тағам болып табылады және жерқоймада жеткілікті жылы болғандықтан, кеміргіштер бүкіл өнімдерді жеп аяқтағанша кетпейді. Кеміргіштердің пайда болуын болдырмау үшін дератизациялық шараларды уақтылы жүргізу қажет. Оларды осындай іс-шараларды өткізуге рұқсаты бар арнайы қызметтер жүргізетінін ескеру қажет.

Жоғарыда келтірілген ұсынымдарды қолдана отырып – бұзылған өнімдерден туындайтын күрделі улануды болдырмауға болады.