Қарағанды облысының су айдындарында судың сапасы мен қауіпсіздігі тексерілді

Ұлттық сараптама орталығының Қарағанды облысы бойынша филиалының жоғары технологиялық зерттеулер зертханасына 2023 жылғы қыркүйекте сараптамаға 43 су сынамасы келіп түсті.   

Хлорорганикалық пестицидтердің қалдық мөлшерін анықтау үшін мамандар Қарағанды облысының Ақсу-Аюлы, Ақшатау, Ортау, Көктем Көл мен Шет аудандары елді мекендерінің су айдындарынан 391 зерттеу жүргізді.

Барлық зерттелген сынамалар нормативтік-техникалық құжаттама нормаларына сәйкес келді, оң нәтижелер анықталған жоқ.

Зертханада хлорорганикалық қосылыстардың (ХОҚ) болуын анықтау үшін ең танымал және әмбебап әдістердің бірі – газ-сұйық хроматография қолданылады.

Су қоймалары хлорорганикалық пестицидтермен мынадай жолдармен ластанады: 

• сақтау орындарынан ағып кету нәтижесінде;
• ауыл шаруашылығы алқаптарының аумағынан жуылады;
• жауын-шашынмен түседі.

Қосылыстың пішініне байланысты пестицидтер судың сапасына келесідей белгілер бере алады:

• шіріген қырыққабаттың, жердің, хлордың, көгерудің иісі;
• тұтқыр дәм;
• сары-қоңыр рең.

Суға түскен пестицидтер бір апта, бір ай немесе жылдар бойы қалуы мүмкін. Бұл заттар су объектілерін мекендейтін организмдерге сіңіп, соларда жиналады. ХОҚ концентрациясының артуы – су объектілерінің ластануының ең қауіпті түрлерінің бірі.