Ыстамбұлда сарапшылар АПВ вакцинациясын енгізудің тиімді құралдарын қарастырды

ҚР ДСМ Санитариялық-эпидемиологиялық бақылау комитетінің төрағасы Нұрқан Сәдуақасов ҚР Денсаулық сақтау министрлігінің эпидемиология және онкогинекология саласындағы сарапшыларымен бірлесіп, 2023 жылғы 25-26 қыркүйекте Ыстамбұл қаласында (Түркия) өткен адам папилломасы вирусына (АПВ) қарсы вакцинация мәселелері жөніндегі халықаралық семинардың жұмысына қатысты.

Семинарды ДДҰ Еуропалық өңірлік бюросы ДДҰ-ның Сантьяго-де-Компостеладағы (Испания) вакцина қауіпсіздігі жөніндегі ынтымақтастық орталығымен бірлесіп ұйымдастырды.

Семинар барысында АПВ-ға қарсы вакцинация бойынша білімді жетілдірудің және халықтың вакциналарға деген сенімін нығайтудың және жатыр мойны обырының алдын алуда вакцинацияның тиімділігін арттырудың тиімді құралдары талқыланды.

Семинар АПВ-ға қарсы вакцинациялауды, жасөспірім қыздардың ата-аналарымен АПВ-ға қарсы вакцинациялау туралы қарым-қатынас әдістерін енгізу, медицина қызметкерлерімен оқыту семинарларын өткізу үшін ДДҰ-ның АПВ-ға қарсы вакцинациялау мәселелері бойынша оқу материалдарын әзірлеу бойынша тәжірибе алмасу алаңына айналды.