Сколиоздың алдын алу

Сколиоз – бұл алдыңғы жазықтықта омыртқаның тұрақты қисаюы, онда бойлық осьтің айналасында бұрылыс болады. Өзгерістер ішкі органдарға да әсер етеді. Олар қысылып, орналасқан жерлерін өзгертеді, бұл кейіннен олардың функционалдығының бұзылуына әкеледі. Балалардағы дене сымбатының бұзылуы қарқынды өсу кезеңінде жиі қалыптасады. Тәуекел санатына 5 жастан 12 жасқа дейінгі балалар жатады. Осы кезеңде омыртқа қарқынды өседі. Егер бала партада дұрыс отырмаса, спортпен шұғылданбаса, сколиоз өте тез дамиды.

Компьютерлерді, гаджеттерді пайдалану кезінде балалар ұзақ уақыт ыңғайсыз, бүкірейген күйде болуы мүмкін, физикалық белсенділіктің жеткіліксіздігі, үй тапсырмасының және партада отыруды қажет ететін қосымша әрекеттердің үлкен көлемі – мұның бәрі омыртқа бағанына жүктеменің біркелкі бөлінбеуіне ықпал етеді.

Мектепте балалар көбінесе иықтарын төмен түсіріп, жамбастың жартысын көтеріп, жамбастың астына аяғын қойып отырады, қолдарын орындықтың артына қояды, денесін бұрып немесе орындықтың шетінде, үстелден алыс отырады, бұл ретте ұзақ уақыт бойы бүгілген күйде отырып қалады.

Оқушылар күннің көп бөлігін дәптерлер мен кітаптарға еңкейе қарап өткізеді, өйткені оқу процесі мектепте де, үйде де жалғасады. Саналы ата-аналар қырағылық танытып, баланың арқасы қисайған күйде үй жұмысын орындамауын мұқият қадағалайды. Себебі бұл позиция, егер ол жүйелі болып, әдетке айналса, омыртқаның қисаюына әкеп соғуы мүмкін.

Егер балада қалыпты дене сымбатынан болмашы ауытқулар болса, онда оларды алғашында қарапайым жаттығулардың арқасында жоюға болады. Мұндай балаларға таңертеңгі гимнастика жасау, мектепте дене шынықтырумен мұқият айналысу ұсынылады. Бірқатар жағдайларда таңертеңгі гигиеналық гимнастикаға дене сымбатының ақауларын жою үшін арнайы физикалық жаттығуларды қосуға болады.

Дененің дұрыс орналасуының маңызды алғышарттарының бірі – дұрыс құрастырылған жиһаз. Оқушыларға арналған жиһаз баланың бойы мен пропорцияларына сәйкес келуі керек, жеңіл және сонымен бірге орнықты, дыбыссыз, ыңғайлы, тазалауға қолжетімді болуы тиіс.

Ата-аналар балаларға дұрыс дене сымбатының маңыздылығын түсіндіріп, сабақ орындау мен компьютерде жұмыс істеу кезінде баланың арқасының жағдайын бақылап, сколиоз белгілері пайда болған кезде дереу балалар мамандарының көмегіне жүгінуі қажет. Терапияның ерте басталуы – тиімді және тез сауығудың, омыртқаның және баланың бүкіл тірек-қимыл аппаратының денсаулығын сақтаудың кепілі.