Кенелерді кене вирусының энцефалитіне зерттеу нәтижелері

ҚР ДСМ СЭБК «Ұлттық сараптама орталығы» ШЖК РМК 2023 жылдың сәуір-мамыр айларында кене энцефалитіне 3 200  талдау жүргізілді, оның 30-ы оң нәтиже көрсетті.

Қазақстан өңірлерінде жүргізілген зерттеулер барысында оң нәтижелер Шығыс Қазақстан облысы (76,6%), Алматы қаласы (13,3%) және Қостанай (3,3%), Жетісу облыстары (3,3%) бойынша тіркелді.

Зерттеулер кене энцефалиті вирусының РНҚ мен антиденелерін/антигендерін анықтауға бағытталған генетикалық және иммуноферменттік әдістермен аса қауіпті инфекциялар зертханаларында жүргізіледі. 

Мамандар кенелер үшін қолайлы жағдай сәуір-мамыр және тамыз-қыркүйек айларында болатынын атап өтті.

Естеріңізге сала кетейік, кене энцефалиті – вирустық табиғи-ошақты жіті инфекциялық ауру. Ауру кене шаққанан кейін дамиды. Адам ағзасында вирус орталық жүйке жүйесіне (ми мен жұлын) еніп, онда ол көбейеді. Кене энцефалитінің инкубациялық кезеңі 14-тен 30 күнге дейін созылады.