Прокуратура органдарының ұсынымдарында көрсетілген бұзушылықтардың түрлері талқыланды

Комитетте прокуратура органдарының ұсынымдарында көрсетілген бұзушылықтардың түрлері және лауазымды тұлғаларға қатысты қабылданған тәртіптік ықпал ету шаралары бойынша семинар-кеңес өтті, сондай-ақ сыбайлас жемқорлыққа қарсы заңнама мен ақпараттық қауіпсіздікті қамтамасыз ету мәселелері түсіндірілді.

Семинарға барлық аумақтық департаменттердің басшылары мен қызметкерлері қатысты.

Семинарға қатысушылардың ерекше назары прокуратура органдарының ұсынымдарында көрсетілген бұзушылықтарға аударылды.

Іс-шарада заңды бұзғаны үшін көзделген жауапкершілікті (қылмыстық, әкімшілік тәртіптік) аша отырып, сыбайлас жемқорлыққа қарсы заңнаманы сақтау, халықтың санитариялық-эпидемиологиялық саламаттылығы саласындағы сыбайлас жемқорлық тәуекелдерін ішкі талдау және сыбайлас жемқорлықтың алдын алу институты мәселелері көтерілді. Сондай-ақ, ақпараттық қауіпсіздікті қамтамасыз ету мәселелері қаралып, қажетті ұсынымдар берілді.  

Аумақтық департаменттердің басшыларына осы бағыттағы жұмысты күшейту тапсырылды.