Алматы облысында «қытайлық таяқшалармен» улану жағдайы бойынша ағымдағы ақпарат

Алматы облысы, Еңбекшіқазақ ауданы, Бәйтерек ауылының орта мектебінің оқушыларында тіркелген «Токсикоинфекциялар» (ТТИ) жағдайлары бойынша ТТИ-ге қатысты болжамды өнім Талғар ауданының «Али» дүкенінен (ЖК Досова М.С.) сатып алынған «қытайлық таяқшалар» екенін хабарлаймыз.

Аталған өнім Алматы қаласындағы (Ташкенский-Розыбакиев к-сі, «Ангар 5-Б») көтерме сауда орнынан жеткізілген. 

Хабарламаны алған сәттен бастап Алматы қаласы Алмалы және Наурызбай аудандарының санитариялық-эпидемиологиялық бақылау басқармаларының мамандары қытайлық ащы таяқшалардың сатылуын анықтау бойынша тергеуді бастады. Тергеу іс-шаралары жалғасуда, оның қорытындысы бойынша қосымша хабарланады.