Дезинфекциялау, дезинсекциялау және дератизациялау мәселелері бойынша кеңес

11 сәуірде Ұлттық сараптама орталығының (ҰСО) базасында Комитеттің Ішкі қауіпсіздік басқармасының бастамасымен «Профилактикалық дезинфекциялау, дезинсекциялау, дератизациялау қызметтерін көрсетуге арналған конкурстарға қатысудың заңнамада белгіленген тәртібін сақтау» тақырыбында онлайн кеңес өткізілді. Іс-шараға ҰСО филиалдарының директорлары және дезинфекциялау, дезинсекциялау, дератизациялау қызметтерін көрсететін жеке бизнес субъектілері қатысты.

Кеңеске ҰСО төрағасының орынбасары - Басқарма мүшесі Т.О. Сүйіндіков, ҰСО департаменттерінің басшылары, Ұлттық инновациялар және кәсіпкерлік орталығының Бас директоры А.К. Жақыпов, сондай-ақ жеке бизнес өкілдері Б.Г. Қуанышбеков және А.И. Артықбаева қатысты.

Іс-шарада профилактикалық дезинфекциялау, дератизациялау және дезинсекциялау бойынша бір көзден алу тәсілімен ҰСО-ның мемлекеттік сатып алу туралы заңнаманы сақтау мәселелері көтерілді. Кеңеске қатысушылардың назары мемлекеттік сатып алу туралы заңнаманы және басқа да НҚА-ны қатаң сақтау мәселесіне ерекше аударылды. 

Кеңеске қатысушылар талқылауға белсенді қатысты, мүдделі тұлғалардың міндетті түрде орындауы үшін хаттама түрінде ресімделетін нақты ұсыныстарды енгізе отырып, проблемалық мәселелерді көтерді.