Өнімдер қауіпсіздігі – басты назарда

ҚР ДСМ Тауарлар мен көрсетілетін қызметтердің сапасы мен қауіпсіздігін бақылау комитетінің Ақтөбе облысы Тауарлар мен көрсетілетін қызметтердің сапасы мен қауіпсіздігін бақылау департаменті өнімдер қауіпсіздігі мониторингісі шеңберінде 2020 жылдың  қаңтар-ақпан айларында Ақтөбе облысының сауда желілерінен барлығы 502 өнім сынамасын сатып алды, оның 65 сынамасы техникалық регламенттердің талаптарына сәйкес келмегендігі анықталды, бұл 12,9% - ды (отандық өндірушілер - 16 (24,6%), ЕАЭО-ға мүше мемлекеттер - 33 (50,8%), басқа елдер - 16 (24,6%) құрады. Соның ішінде, тағам өнімдерінің 383 сынамасы  алынып, зерттелді, техникалық регламенттердің талаптарына 48 сынама сәйкес келмегендігі анықталды, бұл 12,5% - ды құрады (отандық өндірушілер - 16 (33,3%), ЕАЭО-ға мүше мемлекеттер - 28 (58,3%), басқа елдер - 4 (8,3%), сәйкес келмегендердің басты пайызы өнімдердің таңбалауы бойынша болып отыр, яғни ол 79,1% құрап, 38 сынама болып отыр, 2 кезекте физико-химиялық көрсеткіштер бойынша 10,4% немесе 5 сынама, содан соң микробиологиялық көрсеткіштер бойынша – 8,3% (4 сынама) және 2,0% (1 сынама) қауіпсіздік көрсеткіштері бойынша сәйкес келмеді.

Анықталған бұзушылықтар бойынша кәсіпкерлік субъектілеріне  Қазақстан Республикасының халықтың санитариялық-эпидемиологиялық салауаттылығы саласындағы заңнамасының талаптарын бұзуды жою туралы 19 ұйғарым берілді.

Микробиологиялық көрсеткіштер бойынша техникалық регламенттер талабына сәйкес келмеген 2 кг құс еті өнімі Ақтөбе қаласында сауда объектілерінен алынып, жойылды.

Сәйкестілік декларациялары бойынша 8 іс-құжат Ақтөбе облысы техникалық реттеу және метрология департаментіне жіберілді. Тағам өндіруші кәсіпорындарға- 3 және Қазақстанда өімдер бойынша наразылықтар қабылдайтын -2 мекемеге тиісті шаралар жүргізу үшін хаттар жолданды.

Бизнес субъектілеріне техникалық регламенттер бойынша 12 семинар және «Атамекен» Ұлттық Палатасы Ақтөбе өңірлік филиаланда 1 дөңгелек үстел өткізілді.

 Ақтөбе облысы тауарлар мен көрсетілетін қызметтердің

сапасы мен қауіпсіздігін бақылау департаменті