Қостанай облысында 880 ауа сынамасы алынды

Қазақстан Республикасы Үкіметінің 2022 жылғы 24 қарашадағы № 945 қаулысымен бекітілген Қазақстан Республикасының денсаулық сақтауды дамытудың 2026 жылға дейінгі тұжырымдамасын іске асыру мақсатында Қостанай облысының санитариялық-эпидемиологиялық бақылау департаменті, Білім басқармасы мен «Ұлттық сараптама орталығы» ШЖҚ РМК филиалы арасында өзара ынтымақтастық туралы үшжақты меморандум шеңберінде балаларға арналған қоғамдық ғимараттардың ішінде қоршаған ортаның жай-күйіне мониторинг жүргізілді.

Мониторинг бойынша білім беру объектілері мекемелерінің тізбесін қалыптастыру кезінде мынадай факторлар ескерілді: мектептердің толымдылығы, оқытудың ауысымдылығы, жүргізілген күрделі жөндеу сапасы, пешпен жылытудың болуы және т. б.

Үй-жайлардың ауасын зерттеу үшін келесі химиялық ластаушы заттар анықталды: сынап, қорғасын, көміртегі тотығы, шаң, формальдегид, бензол, толуол, ксилол.

2021-2022 оқу жылы кезеңінде мониторингке 27 объекті, оның ішінде 25 білім беру мектебі және 2 мектепке дейінгі мекеме қатысты. Зерттеу барысында 880 ауа сынамасы алынды.

Зертханалық зерттеулердің нәтижелері бойынша білім беру және тәрбиелеу объектілері үй-жайларының ауасындағы химиялық заттар құрамының шекті рұқсат етілген шоғырлануының болуы немесе асып кетуі анықталған жоқ.

Бұл жұмыс оқушылардың денсаулығына қауіп-қатерді есептей отырып, зертханалық зерттеулер нәтижелерінің жай-күйін гигиеналық бағалау және мүдделі ведомстволардың басқарушылық шешімдер қабылдауы мақсатында жүргізіледі.