Көлік кәсіпорындарында ЖРВИ мен тұмаудың алдын алу

Елімізде ЖРВИ және тұмаумен сырқаттанушылықтың күрт өсуі байқалады, бұл өткен жылдың ұқсас кезеңімен салыстырғанда айтарлықтай жоғары. Осыған байланысты «2022 – 2023 жылдардағы эпидемиялық маусымға тұмау және ЖРВИ бойынша санитариялық-эпидемияға қарсы іс-шараларды өткізу туралы» Бас мемлекеттік санитариялық дәрігердің 2022 жылғы 19 қыркүйектегі №30 қаулысына сәйкес ағымдағы жылдың қыркүйек-желтоқсан айлары аралығында тұмаудың, тұмаудан кейінгі асқынулардың алдын алу мақсатында көлік объектілері қызметкерлерінің арасында белсенді профилактикалық, ақпараттық-түсіндіру жұмыстары жүргізілді.

Шаруашылық кәсіпорындары мен көлік ұйымдарының басшыларына қызметкерлерге тұмауға қарсы вакцинация жүргізу қажеттілігі туралы ұсынымхаттар жолданды, кеңестер мен акциялар ұйымдастырылды. 23 семинар-кеңес, 21 акция, 31 дәріс өткізілді, өңірлік баспа басылымдарында 2 мақала жарияланды, 424 жадынама таратылды.

Теміржол, әуе көлігі кәсіпорындарындағы қызметкерлер мен жұмысшылардың жалпы санынан 4 327 адам тұмауға қарсы вакцинацияланды, бұл 17,9% құрады.

Олардың ішінде тұрғылықты жері бойынша 2150 адам вакцинацияланды, жергілікті бюджет қаражатынан - 58 адам (12 медицина қызметкері, 8 жүкті әйел, созылмалы ауруы бар 38 адам) және 2119 адам жұмыс беруші мен медициналық мекеме арасындағы шарт негізінде екпе алды.

ЖРВИ және тұмаудың алдын алу бойынша ұсынымдар:

- үй-жайларды үнемі желдету;  

- таза ауада серуендеу;

- күнделікті ылғалды тазалаумен бөлмені таза ұстау;

- тұмау және ЖРВИ эпидемиялар кезеңінде маска режимін сақтау;

- адамдар көп жиналатын жерлерден аулақ болу;

- қоғамдық орындарға барғаннан кейін қолды мұқият жуу.