Бас ауруы, есту қабілетінің нашарлауы, невроз: шу несімен қауіпті

Біз дыбыстар мен шулардың арасында өмір сүреміз, бірақ урбанизацияның өсуімен шу біздің тұрақты серігімізге айналды. Ол сондай-ақ қалалық ортаның маңызды ластаушысы ретінде танылады және оның көздері ішкі және сыртқы болуы мүмкін.

Шудан біз үйде де құтыла алмаймыз: ол аппаратурадан, тұрмыстық техникадан, егер жөндеу жұмыстары жүргізілсе, құрылыс құралдарынан келеді... Үйден шыққаннан кейін біз кварталдық шуды сезінеміз – көршілер кілемдерді қағып жатқанда, көліктер аулаға кіріп, алаңда ойнаған балалар. Сонымен бірге, қазір сыртқы шудың көзі көлік болып табылады: автобустар, автомобильдер, ауыр жол техникасы – бұл шу ағзаға да әсер етеді. Бұл бас ауруын тудыруы мүмкін - және бас ауруы көбінесе үйлері автожолдар мен теміржолдарға жақын орналасқан адамдарға әсер ететіні дәлелденді.

Егер адамдар шу деңгейі жоғары жерде жұмыс жасаса, бұл орталық жүйке жүйесінің жұмысына әсер етеді. Қарқынды шу адамға бірқатар өзгерістер әкеледі: қан қысымы көтерілуі мүмкін, импульс жиілеуі немесе баяулауы мүмкін. Бұл әсерлердің тізімі жүйке жүйесінің ауруларымен жалғасады – олар неврастения, невроз, сезімталдықтың бұзылуы. Соңында, адамның назары әлсірейді, ал оның нәтижесі қайғылы болуы мүмкін – еңбек өнімділігі төмендейді. Шудың тағы бір ерекше әсері - есту мүшесінің өзгеруі.

Қарағанды облысында өнеркәсіптік кәсіпорындарда 2022 жылдың 9 айында есту қабілетінің төмендеуімен сырқаттанушылықтың 57 жағдайы тіркелді. Бұл өткен жылдың сәйкес кезеңімен салыстырғанда - 31 жағдайға көп. Мұндай сырқаттанушылық түсті металлургия саласында - 16 жағдайға және көмір өнеркәсібі саласында - 15 жағдайға өскен. Бұл жағдайлар неліктен орын алуда? Бірнеше себептер болуы мүмкін: технологиялық процестердегі кемшіліктер, машиналар мен жабдықтардың құрылымдық кемшіліктері. Тағы бір себеп – жұмысшылар жеке қорғаныс құралдарын пайдаланбайды.

Шумен қалай күресуге болады? Оны толығымен жою мүмкін емес, бірақ оны туындау көзінде және таралу жолында азайтуға болады. Сонымен қатар, мұндай әдістер әрдайым шуды санитариялық нормалармен реттелетін деңгейде сақтауға мүмкіндік бермейді. Сондықтан үзіліс жасау көмектесуі мүмкін: шудың әсері бар жерде еңбек режимін оңтайлы ету аса маңызды.