Елордалық СЭБД өнімді қалай дұрыс таңдау керектігі туралы айтып берді
Дұрыс тиімді тамақтану ағзаның барлық қажетті қоректік заттар мен микроэлементтерге күнделікті қажеттілігін қанағаттандыруы тиіс. Бұл үшін өнімдерді дұрыс таңдау қажет.
Бірінші кезекте өніммен танысуды өндірушіден бастау керек. Сатып алу алдында тауардың түсін, иісін және орамының тұтастығын бағалаңыз. Шығарылған күні мен сақтау мерзіміне ерекше назар аудару керек. Көбінесе жосықсыз өнім берушілер жарамдылық мерзімдерін қасақана өзгертеді, ал сауда желілері бірнеше аптадан бірнеше жылға дейінгі мерзімі өткен тамақ өнімдерін сатады.
Жалпы үлесті кему тәртібімен таңбалауда көрсетілуі тиіс құрамдас бөліктер туралы білу маңызды. Тағамдық өнімде хош иістендіргіштер болған жағдайда, құрамның таңбалауында «хош иістендіргіш» деген сөз болуы тиіс.
Қолданылуы аурулардың жекелеген түрлері кезінде аллергиялық реакциялар немесе қарсы көрсетілімдер тудыруы мүмкін компоненттер олардың санына қарамастан тамақ өнімдерінің құрамында көрсетіледі. Мұндай компоненттерге жержаңғақ, аспартам және аспартам-ацесульфам, тұз, қыша, күкірт диоксиді және сульфаттар, құрамында глютен, күнжіт, люпин, ұлулар, сүт және оны қайта өңдеу өнімдері, жаңғақтар, шаян тәрізділер, балық, балдыркөк, жұмыртқа кіреді.
Сондай-ақ, өнімнің сапасы мен қауіпсіздігін растайтын құжаттары жоқ жеке тұлғалардан (жол бойындағы сауда, дүкендердегі науалардан сауда және т.б.) тамақ өнімдерін сатып алудан аулақ болу керек.
Сондай-ақ, тұтынушы «Тұтынушылардың құқықтарын қорғау туралы» Қазақстан Республикасының Заңына сәйкес өнімнің сапасына немесе шығу тегіне күмән туындаған кезде тауардың кемшіліктері туралы талаптар қоюға, тауар туралы, сондай-ақ сатушы туралы толық, анық ақпарат алуға, сатушыдан тиісті құжаттарды талап етуге құқылы екенін білуге тиіс.
Сапасыз өнімді дүкенге қайтару керек, өйткені өнімде кемшіліктер табылған жағдайда тұтынушы сол брендтің тауарларын ауыстыруды немесе ақшаны қайтаруды талап етуге құқылы.
Ішкі нарықты жалған өнімдерден қорғау үшін, егер тұтынушы өз құқықтарын бұзу фактілері туралы сенімді ақпаратқа ие болса, белгіленген тәртіппен Нұр-Сұлтан қаласының санитариялық-эпидемиологиялық бақылау департаментінің тиісті аумақтық бөлімшелерін хабардар ету қажет.