Ақмолалық 211 оқушыдан сколиоз анықталды

             Санитариялық дәрігерлер барлық оқушылар мен олардың ата-аналарын жаңа оқу жылымен құттықтайды. Оқуда сәттілік тілей отырып, мамандар балалар арасындағы өзекті мәселелердің бірі – дене бітімінің бұзылуы мен омыртқа сколиозына назар аударуды сұрайды.

             Жоғарыда аталған аурулар партада ұзақ уақыт отыруға байланысты пайда болады. Нәтижесінде омыртқа бұлшықеттері мен сүйектерінің дұрыс дамымауы басталады. Сколиоздың пайда болу себебі туа біткен бұзылулар болуы мүмкін. Ауру әдетте 10-12 жаста, баланың қарқынды өсуі кезінде дамиды.

             Жыл басынан бері мамандар Ақмола облысының 45 мыңға жуық оқушысына тереңдетілген медициналық тексеру жүргізді. Нәтижесінде 4 мыңнан астам оқушыда көру органдары мен жүйке жүйесінің патологиясы анықталды, бұл өткен жылмен салыстырғанда 6,8 есе көп. Сколиоз 200-ден астам балада кездеседі. Омыртқаның қисықтығы 5-9 сынып жасөспірімдерінде жиі байқалады.

             Сарапшылар алдын-алуды туғаннан бастауға кеңес береді. Нәресте төсеніштері тым жұмсақ болмауы керек. Бұл омыртқаның иіндерін сақтау үшін қажет.

             Бала сабақ оқып отырған кезде дене бітімін бақылау керек. Ортопедке көрінуді ескеріп жүріңіз. Дәрігерлер емдеуді кешенді түрде жүргізу керек дейді. Бұған күн тәртібін ұйымдастыру, жұмыс орнын жабдықтау және физикалық белсенділік кіреді. Бір иыққа ілетін сөмкенің орнына рюкзакты таңдаған жөн.