Жамбыл облысында саңырауқұлақша ауруларының өсімі байқалады

             2022 жылдың 7 айының қорытындысы бойынша облыста дерматомикоздың 347 жағдайы (100 мың халыққа шаққандағы аурушаңдық көрсеткіші – 30,0) тіркелсе, 2021 жылдың ұқсас кезеңінде 336 ауру (100 мың халыққа шаққандағы көрсеткіш – 29,5 ) тіркелді, аурушаңдықтың 30,7 %-ға өсуі байқалады.

             Тері ауруларының жалпы санынан 14 жасқа дейінгі балалардағы дерматомикоз ауруы 68,8%-ды, ал 2021 жылы - 72,3%-ды құрады.

             Дерматомикоздар  трихофития  және  микроспория сияқты түрлерге бөлініп, адамдар мен  жануарларды  зақымдайтын жұқпалы тері ауруларының қатарына жатады.

             Дерматомикоз ауруларының қоздырғыштары – адамдар мен жануарлардағы (мысық, ит, тот басқан тәріздес) көп түрлерді қамтитын саңырауқұлақшалар. Инфекция ауру адамдар мен жануарлар арасындағы тікелей қарым-қатынас пен тұрмыс жабдықтары (төсек, тарақ, қырыну заттары, жөке) арқылы жұғады.

             Саңырауқұлақшалар терінің үстіңгі және терең қабаттарын, сонымен қатар, шашты зақымдайды. Дерматомикоз аурулары мезгілділігімен және ерекше жоғары жұқпалығымен ерекшеленеді. Отбасы және ұйымдастырылған ұжымдарда дерматомикоз ауруларының өршуі күз-қыс мезгілдерінде жиі тіркеледі.

             Инфекция көбінесе ауру адамдардан сау адамдарға және ауру жануарлармен тікелей байланыста болғаннан кейін, сондай-ақ саңырауқұлақша элементтерімен ластанған заттар арқылы жұғады. Микроспория кезінде бастың шаш бөлігі мен жұмсақ теріні зақымдалады. Дененің, беттің және аяқ-қолдың терісінде ақшыл-сұр түсті қабыршақтармен жабылған, аздап қышитын қызғылт-қызыл сақиналы дақтар пайда болады. Шаш сынғыш болады.

             Терінің терең зақымдануы дененің ашық бөліктерінде жиі кездеседі. Зақымдалған жерлер қызыл теріде орналасқан көпіршіктер мен қыртыстарға ұқсайды. Көптеген зақымданулармен элементтер біріктіріліп, алқа тәріздес бөртпелер пайда болады. Көпіршіктер құрғап, үстіңгі қабықтар мен қабыршақты дақтар қалады.

             Дерматомикозды емдеу саңырауқұлақшаларға қарсы жақпалармен, антибиотиктермен, сондай-ақ иммунитетті арттыратын құралдармен жүргізіледі. Аяқ киім мен киімді тұрақты түрде дезинфекциялау қажет.

Тері ауруларының алдын алу үшін өте маңызды іс-шаралар:

- жеке гигиена қағидаларын сақтау;

- басқа біреудің тарағын қолданбау;

- моншаға немесе саунаға барған кезде жабық резеңке аяқ-киімдерді пайдалану;

- үй жануарларын, иттерді, мысықтарды мал дәрігерінің тексеруінен өткізу.