Атырау облысында жазғы лагерьлер қалай өтуде?

             Жаз келісімен балалардың ең қызықты шағы болып саналатын жазғы сауықтыру лагерьлерінің жұмысы басталды. Балалардың демалысы естен кетпестей болу үшін әр ата-ана лагерьлерді жан-жақты іздестіреді.

             Нормативтік құқықтық актілердің талаптарына сәйкестігі туралы санитариялық-эпидемиологиялық қорытынды алған балаларды сауықтыру ұйымдарының тізімі Атырау облысы санитариялық-эпидемиологиялық бақылау департаментінің сайтында орналастырылған.

             Атырау облысының Индер ауданында «Жас Өркен» және Махамбет ауданында «Арай» лагерьлері халықтың санитариялық-эпидемиологиялық саламаттылығы саласындағы нормативтік-құқықтық актілердің талаптарына сәйкестігі туралы санитариялық-эпидемиологиялық қорытынды алды.

             Ағымдағы маусымда 126 мектеп жанындағы лагерь мен 2 қала сыртындағы лагерь жұмыс жасауда.

             Бүгінгі күні мектеп жанындағы лагерьлерде жоспарланған  8428 баланың 8369-ы және қала сыртындағы «Жас Өркен» мен «Арай» лагерьлерінде 1488 баланың 1026-сы демалып шықты. Балалардың жазғы сауықтыру лагерьлерінде бұзушылық фактілері тіркелген жоқ.

Құрметті ата-аналар!

             Балаларды демалыс ұйымдарына жіберер алдында оның тазалығына, азық-түлік сапасына, медицина қызметкерлерінің болуына, ауыз су режимінің  сақталуына, шынықтыру шараларының жүргізілуіне және т.б. санитариялық талаптардың сәйкес келетініне көз жеткізу аса маңызды! Таңдау алдында Атырау облысының санитариялық-эпидемиологиялық бақылау департаментінің ресми сайтына кіріп,барлық ақпараттарды толықтай алуға болады.