Комитет Қазақстан Республикасының стоматологтар қауымдастығының өкілдерімен кездесу ұйымдастырды

Қазақстан Республикасы Денсаулық сақтау министрлігі Тауарлар мен көрсетілетін қызметтердің сапасы мен қауіпсіздігін бақылау комитеті Қазақстан Республикасының стоматологтар қауымдастығының, қоғамдық денсаулық сақтау департаменттерінің, «Атамекен» Қазақстан ұлттық кәсіпкерлер палатасының (олардың филиалдары), Қазақстан Республикасының медициналық ұйымдарының және Қазақстан Республикасының стоматологиялық клиникаларының өкілдерімен бейнеконференциялық кеңес ұйымдастырды.

Кездесуге стоматологиялық бірлестіктер мен емханалардың 300-ге жуық өкілі қатысты.

Іс-шараны Комитет Төрағасының орынбасары, Қазақстан Республикасының медициналық қызметтермен қамтамасыз етуді бақылау жөніндегі бас мемлекеттік инспекторы Ахметниязова Лаура Мұстафиқызы ашты.

Есентаева Эльмира Ақниязқызы («Қазақстан стоматологиялық қауымдастығы» қоғамдық бірлестігінің мүшесі), Бектұрғанова Назым Даулетжанқызы («Біріккен Қазақстан стоматологтары» қоғамдық бірлестігінің президенті) бұл кездесудің уақтылы екенін атап өтті, Қазақстанда стоматологиялық көмекті бақылауды ұйымдастырудың өзекті мәселелерін, қателіктер мен асқынулардың негізгі себептерін атап өтті. Қазақстан Республикасы Денсаулық сақтау министрлігімен тығыз ынтымақтастыққа және Комитетпен меморандум жасасуға ниет білдірді.

Рахымжанова Марал Тілеулесқызы (Комитет объектілерінің инфекциялық емес профилактикасы және бақылау бөлімінің бастығы) стоматологиялық ұйымдарды тексеру кезінде санитарлық-эпидемиологиялық салауаттылық саласындағы проблемалық мәселелерге, санитарлық ережелерде жаңа енгізілген бақылау және қадағалау функцияларын кеміту шараларына назар аударды.
Кездесу барысында стоматологиялық бірлестіктердің өкілдері Қазақстан Республикасындағы стоматологиялық көмектің сапасын жақсартуға назар аударды, стоматологиялық көмекті ұйымдастыруды бақылаудың өзекті мәселелерін көтерді, белсенділік пен жақсартуға ниет білдірді.

Сондай-ақ, кездесуде Қазақстан Республикасында стоматологиялық көмек сапасын жақсартуға бағытталған стоматологиялық бірлестіктердің қызметін күшейту мәселелері талқыланды.

Отырыстың қорытындысы бойынша стоматологиялық қауымдастықтың өкілдері Қазақстан Республикасындағы стоматологиялық клиникаларға аудит жүргізуді ұсынды, ал стоматологиялық клиникалар өкілдері бұл бастаманы қолдады.