ҚР-да 170 балалар лагері демалушыларды қабылдауға дайын

            Әлемде коронавирустық инфекциямен сырқаттанушылықтың өсуі байқалады. Жазда көптеген ата-аналар балаларын балалар лагерлеріне жібереді. Қазіргі уақытта қалыптасқан көріністі ескере отырып, балалардың қауіпсіздігі бұрынғыдан да өзекті болып отыр.

            Назар аударатын маңызды мәселе - санитариялық-эпидемиологиялық қорытындының болуы. Бүгінгі таңда елімізде 170 балаларды сауықтыру ұйымы санитариялық-эпидемиологиялық қорытынды алды. Санитариялық-эпидемиологиялық бақылау комитеті қорытынды алған лагерьлердің тізімін тұрақты негізде жаңартып отырады. Сіз оларды Комитеттің веб-сайтындағы "құжаттар" бөліміне кіру арқылы таба аласыз. Тізімде көрсетілген ұйымдар тексерудің барлық кезеңдерінен өтті және үй-жайларды (ғимараттарды) жөндеу және күтіп ұстау, тұру және тамақтану жағдайлары, өндірістік бақылау, еңбек жағдайлары және қызметкерлерге тұрмыстық қызмет көрсету стандарттарына сәйкес келеді.

Құрметті ата-аналар!

             Балаларды демалысқа жіберер алдында санитариялық-эпидемиологиялық қорытынды алған лагерьлердің тізімімен танысып, балаларды сауықтыру ұйымдарының дұрыс таңдалғанына көз жеткізуге кеңес береміз. Есіңізде болсын, сіздің балаларыңыздың денсаулығы тек сіздің қырағылығыңызға, жауапкершілігіңізге және балаға деген қамқорлығыңызға байланысты. Ұсыныстарды сақтай отырып және балалар лагерін таңдауға мұқият қарап, балаларыңыздың жақсы демалуын қамтамасыз ете аласыз.