Қостанай облысында ауыз су сапасы жəне атмосфералық ауаның мониторингісінің нəтижелері
2022 жылдың 6 айында Қостанай облысының аумағында атмосфералық ауаның жағдайы ұсынылған гигиеналық нормалар шегінде қалды.
Қостанай облысының аумағында атмосфераға ұйымдастырылған шығарындыларды жүзеге асыратын облыстың қалалары мен аудандарында барлығы 126 нысан бар, барлық нысандарда нормативтік санитариялық-қорғау аймағы бар. Санитариялық-эпидемиологиялық мониторинг барысында барлық 126 бақылау нүктелерінде атмосфералық ауаның 639 сынамасы алынды, сынамаларға сәйкес келмейтіндері жоқ, республика бойынша – 3,1%.
2022 жылдың 6 айында Қостанай облысының аумағында су құбыры ауыз суының сапасы ұсынылған гигиеналық нормалар шегінде қалды. Бактериологиялық көрсеткіштерге 664 сынама алынды, оның ішінде 9 сәйкес келмейді немесе 1,4%, республика быойынша-2,4%; санитарлық-химиялық көрсеткіштерге 648 сынама алынды, оның ішінде 21 сәйкес келмейді немесе 3,2%, республика бойынша-4,4%.
Ағымдағы жылдың 6 айында орталықтандырылмаған ауыз судың сәйкес келмейтін сынамаларының үлес салмағы санитариялық-химиялық көрсеткіштер бойынша– 29,7% (республика бойынша – 15,6%), микробиологиялық көрсеткіштер бойынша – 11,6% (республика бойынша – 7,4%) құрады.
Су сапасын бақылауды санитарлық-эпидемиологиялық бақылау органдары тұрақты негізде жүргізеді. Ауыз судың сәйкес келмеу фактілері анықталған жағдайда шаруашылық жүргізуші субъектілерге әкімшілік ықпал ету шаралары (айыппұлдар) қолданылады, ұсыныс хаттар жіберіледі, су құбыры желілерін және орталықтандырылмаған сумен жабдықтау объектілерін жуу, дезинфекциялау және ауызсудың сапасын санитариялық қағидалардың нормативтік көрсеткіштеріне дейін жеткізу бойынша нұсқамалар беріледі.
Су сапасының нашарлауының себептері көп, бұл: белгілі бір минералды заттар бойынша жер үсті және жер асты суларының табиғи табиғи минералдануы; маусымдық сипаты (су тасқыны, қардың еруі кезеңінде); авариялар және басқа да көптеген себептер нәтижесінде су құбыры желілерінің тозуы кезіндегі қайталама ластану.
Сондықтан, су факторымен байланысты аурулардың алдын алу және ескерту мақсатында тұтынушылар суды қолданар алдында қосымша тазарту әдістерін (сүзгілерді) немесе қайнатылған суды қолдануы керек.