«Балмұздақты сүйкімді қабықтың артында жасырылған «таза зұлымдық» деп атаса болады» - Алматы қаласының санитариялық дәрігерлері

             Жаз мезгілі - ересектердің де, балалардың да сүйікті уақыты. Көптеген адамдар жазды теңізбен, ыстық күндермен және балмұздақпен байланыстырады. Бұл қаншалықты таңқаларлықтай көрінсе де, балмұздақты сүйкімді қабықтың артында жасырылған "таза зұлымдық" деп айтса болады. Өкінішке орай, балмұздақпен тамақтан улану ықтималдығы өте жоғары.

              Алматы қаласының аумағында ағымдағы жылдың 5 айында жіті ішек инфекцияларымен 142 жағдай тіркелген, оның ішінде 14 жасқа дейінгі балалар арасында 109 жағдай.

             Жаз маусымының басталуымен Оңтүстік мегаполисте ЖІИ ауруының өсуі байқалады. Өткен аптада ЖІИ алдын ала диагнозымен 17 жағдай тіркелді, оның ішінде 14 жасқа дейінгі 10 бала, оның ішінде 1 жасқа дейінгі 3 бала. Науқастар арасында жүргізілген сауалнама бойынша 14 жағдайда ауру азық-түлікті тұтынумен байланыстырады, оның ішінде 11 жағдайда сақтау шарттарын бұза отырып үй тағамдарын тұтынумен, 3 жағдайда жуылмаған көкөністер мен жемістерді тұтынумен, яғни жеке гигиенаны сақтамаумен байланысты.

            ЖІИ - бұл әртүрлі қоздырғыштардан (бактериялар, вирустар, протозоидтар) туындаған, асқазан-ішек жолына әсер ететін жұқпалы аурулар тобы (шамамен 30 түрі).

            ЖІИ қоздырғыштары көптеген бактериялар мен вирустар болып табылады. ЖІИ-ның ең көп таралған қоздырғыштары-энтероинвазивті E. coli, термофильді камбилобактериялар, шигеллалар, сальмонеллалар, Klebsiellae spp, Proteus spp, Entherobacter spp, Citrobacter spp тектес бактериялар, тағамдық токсикоинфекциялар, ротавирустар, 2 генотиптің норавирустары, F тобының аденовирустары (40-41 типті).

             Олардың арасында гастроэнтероколит, дизентерия, сальмонеллез, ротавирустық және энтеровирустық инфекциялар жиі кездеседі, сонымен қатар іш сүзегі, паратифтер өте сирек кездеседі.

            ЖІИ берілу жолдары әртүрлі. Келесі себептер ЖІИ-дің пайда болуына әкеледі:

- жанаспалы-тұрмыстық жұқтыру - ЖІИ-мен ауыратын науқаспен немесе бактерия тасымалдаушымен байланыста болған кезде (жануармен байланыста болған);

- тамақ арқылы жұқтыру - ет, қайнатылмаған су, сүт, кремді кондитерлік өнімдер, жуылмаған көкөністер мен жемістер сияқты инфекцияланған тағамды қабылдау;

- ластанған су айдындарында шомылу;

- лас қолдар, ластанған тұрмыстық заттар арқылы.

             Жедел ішек инфекциясы ауруына шалдықпас үшін Алматы қаласының санитариялық-эпидемиологиялық бақылау департаменті келесі шарттарды сақтауды ұсынады:

- тек қайнатылған немесе бөтелкедегі суды пайдаланыңыз;

- әр тамақтанар алдында және дәретханаға барғаннан кейін қолды сабынмен жуу, жеке және қоғамдық гигиена ережелерін қатаң сақтау;

- жемістер мен көкөністерді қолданар алдында оларды щеткамен мұқият жуып, содан кейін қайнаған сумен шаю керек;

- жазғы маусымда тек ресми рұқсат етілген жерлерде шомылуға, шомылу кезінде суды жұтып қоймауға тырысыңыз;

- сырқаттанушылықтың көтерілуі кезеңінде шомылуға тыйым салынған ашық су айдындарында шомылудан бас тарту;

- жеке тұлғалардан және сауда үшін белгіленбеген жерлерден азық-түлік сатып алмау;

- үй-жайларда үнемі ылғалды тазалау жүргізу, ас үй және асхана ыдыстарын, аспаптарды таза ұстау;

-ауру балаларды бөбекжайға және мектепке жібермеу міндетті.

             Есіңізде болсын, ауруды емдеуден гөрі алдын-алу оңай!