Әлемнің 110 елінде COVID-19 ауруы өсуде

               Дүниежүзілік денсаулық сақтау ұйымының (ДДҰ) бас директоры Тедрос Адан Гебрейюс бүкіл әлемде коронавирус инфекциясын жұқтыру көрсеткіштерінің жоғарылай түскенін, 110 елде инфекцияның өсуі байқалғанын мәлімдеді.

             "[Омикрон штамдарының] BA.4 және ВА.5 түрлерінің таралу әсерінен жағдай 110 мемлекетте күрделеніп отыр. Бұл пандемия өзгеруде, бірақ ол аяқталған жоқ. Жүздеген миллион адамдар, соның ішінде денсаулық сақтау қызметкерлері мен табысы төмен елдердегі қарттар вакциналаудан қалыс қалуда, бұл оларды вирустың болашақ толқындарына осал етеді", — деді ДДҰ басшысы.

               Сондай-ақ, ол бүкіл әлемде COVID-19 ауруы 20% - ға өскенін, ал ДДҰ қатысатын аймақтардың жартысында коронавирус салдарынан болатын өлім-жітім санының да көбейгенін атап өтті.