Қазақстан Республикасының аумағына этиологиясы белгісіз пневмонияның әкелінуі мен таралуының алдын алу

2020 жылдың 11 қаңтарында Қытай Халық Республикасында этиологиясы белгісіз пневмония бойынша эпидемиологиялық жағдайдың шиеленісуіне байланысты Қазақстан Республикасы Денсаулық сақтау министрлігінің Тауарлар мен көрсетілетін қызметтердің сапасы мен қауіпсіздігін бақылау комитетінің Көліктегі тауарлар мен көрсетілетін қызметтердің сапасы мен қауіпсіздігін бақылау департаментінің мамандары Қазақстан Республикасының аумағына этиологиясы белгісіз пневмонияның әкелінуі мен таралуының алдын алу бойынша санитариялық-эпидемияға қарсы және санитариялық-профилактикалық іс-шараларды күшейту туралы бас мемлекеттік санитарлық дәрігердің 2020 жылғы 6 қаңтардағы №1-ПГВр қаулысы негізінде «Жолаушылар тасымалы» АҚ «Солтүстік» өңірлік филиалының «Нұр-Сұлтан-Нұрлыжол-Үрімші» №54 жолаушылар пойызының жолсеріктерімен этиологиясы белгісіз пневмонияның әкелінуінің алдын алу бойынша нұсқаулық өткізді.

Талқыланған сұрақтар:

• «Этиологиясы белгісіз пневмонияның алдын алу»;
• «Пойыздың вагонында этиологиясы белгісіз пневмонияға (ЭБП) күдікті науқас анықталған кезде санитариялық-эпидемияға қарсы іс-шараларды ұйымдастыру бойынша жүру жолында пойыз бригадасының іс-қимыл алгоритмі».

Жолаушылар вагондарында пойыз бригадасының жол жүру кезіндегі іс-қимыл алгоритмдері мен жаднамалар ілінген.